Betawi Punya Cerita Tukang Minyak kelapa Dulu nyeng namanya tukang minyak kelapa pada ngider keliling kampung, entuh minyak kelapa di kaleng...
Betawi Punya Cerita
Tukang Minyak kelapa
Dulu nyeng namanya tukang minyak kelapa pada ngider keliling kampung, entuh minyak kelapa di kaleng gede dipikul kanan -kere.
Belinya boleh literan tapi banyakan mah enyak kita belinya nya cantigan, kalo udah literan biasanya buat ada acara nyeng butuh minyak goreng banyak buat masak, kalo masak seari-ari mah paling belinya cantingan.
Entuh minyak cantingan dimasukin di bekas botol limun, lah beli secanting ge dulu mah awet, karena orang dulu mah jarang ama nyeng namanya masak goreng banyakan di garang, dibakar, dikukus ama dipepes dah mangkanya awaknya pada sehat dan kuat-kuat.
Entuh tukang minyak ngiderin kampung kaleng minyak dua kaleng gede dipikul bari teregeng -regeng ge dilakonin mana nyeng beli rada langka, mana ari pas ujan, jalanan masing belon ada aspal, nyeblok dah entuh ampe tukang minyak.
Celana Cutbray di gulung ampe sedengkul takut belopot ama tanah ladon ,tudung tiker ampe lepek kena aer ujan tetep aja entuh tukang minyak kaga nyerah maranin rejeki buat anak bini...
Bang Ilok empi
Ketua Yayasan Kebudayaan Orang Bekasi ( KOASI)
